Тамгын газар

Санхүү алба

САНХҮҮГИЙН АЛБАНЫ ТАНИЛЦУУЛГА

Санхүүгийн алба нь санхүүгийн төлөвлөлт, бүртгэл, хөрөнгө оруулалт, дотоод хяналтын нэгдсэн бодлогыг хэрэгжүүлэх, Монгол улсын хууль тогтоомж, Санхүү, эдийн засгийн төв байгууллагууд, Аймгийн ИТХ-ын болон сумын ИТХ-ын  тогтоол, Аймаг, сумын  Засаг даргын захирамж, ЗДТГ-ын даргын шийдвэрийг хэрэгжүүлэх ажлыг удирдан зохион байгуулах үүрэг бүхий алба юм.

Зорилго: Монгол Улсын “Төсвийн тухай”, "Нягтлан бодох бүртгэлийн тухай", “Шилэн дансны тухай” хууль болон холбогдох хууль тогтоомж, журмыг хэрэгжүүлж, байгууллагын үндсэн үүрэг зорилтыг ханган биелүүлэх, төсөв төлөвлөх, сумын орлогын эх үүсвэрийг хуримтлуулах, хуваарилан зарцуулах, нягтлан бодох бүртгэлийн бодлогын хүрээнд санхүүгийн үйл ажиллагааг явуулах, өмч хөрөнгийн хадгалалт, хамгаалалт, зарцуулалтанд хяналт тавих чиг үүргийг хэрэгжүүлэхэд оршино.

Үндсэн зорилт нь: Сумын болон ЗДТГ-ын санхүүгийн хэвийн ажиллах нөхцлийг бүрдүүлэх, хангалт үйлчилгээг зохион байгуулахад оршино.

Санхүүгийн үйл ажиллагааны зорилт:

Санхүүгийн үйл ажиллагааг сайжруулж, төсвийн үр ашгийг дээшлүүлэх, хөрөнгийн хадгалалт, хамгаалалт, ашиглалтанд тавих хяналтыг сайжруулах чиглэлээр дараах зорилтуудыг дэвшүүлэн ажилласан. Үүнд:

• Нягтлан бодох бүртгэлийн олон улсын стандарт, “Нягтлан бодох бүртгэлийн тухай хууль”-ийн 17 дугаар зүйлийн 2 дахь хэсгийн заалтыг үндэслэн санхүүгийн холбогдолтой хууль тогтоомж, стандарт, дүрэм, журам, заавар, “Нягтлан бодох бүртгэлийн бодлогын баримт бичиг”-ийн хүрээнд ажиллана.
• Жил бүрийн төсвийн төслийг аймгийн төсвийн төлөвлөгөөтэй уялдуулан хийж төсөвлөх ба тухайн цаг үетэй холбогдож нэмэгдэн гарах урсгал болон хөрөнгө оруулалтын зардлыг төсвийн тодотгол хийж батлуулж ажиллана
• Санхүүгийн хөрөнгийн үр ашгийг дээшлүүлэх, түүний хадгалалт, хамгаалалт, ашиглалтанд тавих хяналтыг сайжруулах зорилго бүхий дотоод хяналтын системийг бий болгох арга хэмжээг авч хэрэгжүүлнэ.
• Ажиллагсадын ажил үйлчилгээгээ явуулах ажиллах орчин, шаардагдах техник хэрэгслийг хамгийн сүүлийн үеийн шинэ тоног төхөөрөмжөөр үе шаттайгаар сайжруулан хангаж ажиллана.
• ЗДТГ-ын санхүүгийн холбогдолтой төлбөр тооцоог гэрээ байгуулан гүйцэтгэж өр, авлагагүй ажиллана
• ЗДТГ-ын стратегийн бодлогыг хэрэгжүүлэхэд санхүүгийн зүгээс шаардагдах тооцоо судалгаа, төсвийг боловсруулан батлуулж, мэдээ мэдээллээр хангаж ажиллана.
• Мэдээллийн гадаад, дотоод сүлжээний найдвартай байдлыг хангах, түүний ашиглалтыг сайжруулж, компьютер, техник хэрэгслийн ашиглалтын байдлыг тогтоож, засвар үйлчилгээг тогтмолжуулна.
• Санхүүгийн албаны ажилтнуудын мэдлэг, мэргэжлийн ур чадварыг сайжруулах, мэргэшсэн нягтлан бодогчийн сургалтанд хамруулах арга хэмжээ авч ажиллана.
• Төсөвт байгууллагуудын сар, улирал, жилийн мэдээ тайланг, хуульд заасан хугацаанд гаргаж, ажиллагсадын цалин хөлс, нэмэгдэл урамшууллыг цаг тухай бүрт нь олгож, тэдний нийгмийн даатгал, эрүүл мэндийн даатгалыг баталгаажуулж ажиллана.

Санхүүгийн алба нь Монгол улсын Засгийн газрын 2014 оны 10 дугаар сарын 11-ны өдрийн 326 дугаар Тогтоолоор баталсан Санхүүгийн албаны дарга бөгөөд ахлах нягтлан бодогч 1, татварын улсын байцаагч 1, төсөв, төрийн сангийн мэргэжилтэн 1, орон нутгийн өмч хариуцсан мэргэжилтэн 1, нягтлан бодогч 4, нярав 1, нийт  9 хүний орон тооны бүтэцтэй ажилласан.

Тус албаны ажиллагсад нь боловсролын хувьд магистр 1, бакалаврын дээд боловсролтой 7, мэргэшсэн нягтлан бодогч 1 ажиллаж байгаа ба мэргэжлийн хувьд нягтлан бодогч-эдийн засагч 8, бусад мэргэжилтэй 1 байна.

Сэтгэгдэл (0)

× Мэдэгдэл. Энд сэтгэгдэл байхгүй!