Биелэлт
ШИНЭ ХОРШОО ХӨДӨЛГӨӨН
ОРХОН АЙМГИЙН ЖАРГАЛАНТ СУМЫН
ЗӨВЛӨН ТУСЛАХ МЭДЭЭЛЛИЙН ЦЭГ
2024.09.06.
Уламжлалт мал аж ахуйд тулгамдаж байгаа уур амьсгалын өөрчлөлтөөс шалтгаалсан сөрөг нөлөөллийг бууруулах тухай хууль, “Шинэ хоршоо хөдөлгөөн” өрнүүлэх тухай Монгол улсын Засгийн газрын 2024 оны 166 дугаар тогтоол, “Шинэ хоршоо-Чинээлэг малчин” арга хэмжээний төлөвлөгөөг малчин өрхүүдэд таниулан сурталчлах, мэдээлэл өгөх, мал аж ахуйн чиглэлээр үйл ажиллагаа эрхэлж байгаа хоршоодын үйл ажиллагааг идэвхижүүлэх, чадавхжуулах, зөвлөн туслах үйлчилгээ үзүүлэх үүрэг бүхий “Зөвлөн туслах мэдээллийн цэг”-ийг аймгийн 1,7 сая төгрөгний хөрөнгө оруулалтаар 2024 оны 04 сарын 24-ний өдөр улсдаа анх удаа шинээр байгуулан, орон нутгийн өмчид бүртгэн авч, үйл ажиллагаагаа эрчимжүүлэн ажиллаж байна.
Жаргалант сумын Зөвлөн туслах мэдээллийн цэгээр дараах үйлчилгээнүүдийг хүргэн ажиллаж байна. Үүнд:
- Шинэ хоршоо хөдөлгөөний хүрээнд гарсан гарын авлага, мэдээ, мэдээлэл, зөвлөмжийг малчин өрх бүрд хүргэж ажиллах
- Хөдөлгөөний ажлыг эрчимжүүлэх чиглэлээр боловсруулагдсан хууль тогтоомж, бодлого, шийдвэр, дүрэм, журмыг хэрэгжүүлж, цаг алдалгүй хүргэх
- Сургалт, уулзалт зохион байгуулах
- Шинээр байгуулагдаж буй хоршоодод мэргэжил арга зүйн зөвлөгөө өгч, хөнгөлөлттэй зээлд хамруулахад хамтарч ажиллах
- Цаг үеийн мэдээ, мэдээллийг байршуулах зэрэг үйлчилгээг үзүүлж байна.
Энэхүү цэгийг байгуулснаар гарсан үр дүн:
- Нийт 288 малчин өрх гарын авлага, мэдээ мэдээллээр хангагдсан.
- Цэгээр нийт 182 малчин гишүүд үйлчлүүлж, мэдээ мэдээлэлтэй болсон.
- Уулзалт сургалт 4 удаа зохион байгуулагдаж, хамтын ажиллагаа сайжирсан.
- Сумын хэмжээнд нийт 26 хоршоо бүртгэгдсэнээс шинээр 18 хоршоо байгуулагдсан. Үүнээс:
- өмнө үйл ажиллагаа явуулж байсан 8 хоршооноос 4 хоршооны 33 малчин гишүүнд 1,398,000,000 төгрөг
- Шинээр байгуулагдсан 14 хоршооны 41 малчин гишүүд 2,104,400,000 төгрөг
- Нийт 18 хоршооны 74 малчин гишүүнд 3,502,400,000 төгрөгний хөнгөлөлттэй зээлд хамрагдсан.
Сэтгэгдэл үлдээх